د عامه خدمتونو د يو دريد شاپ

  • د ویزې تمدید:

    هغه بهرني وګړي چې د کار او یا سیاحت په پار د اوږدې مودې لپاره په افغانستان کې پاتې کېږي، د ویزې تمدید ورته اړین دی. د ویزې د تمدید ټول خدمتونه د پاسپورټ ریاست په ودانۍ کې وړاندې کېږي، چې پروسې یې د آسان خدمت ادارې لخوا ساده کړای شوې دي. د ویزې تمدید په دوه برخو (آنلاین او آفلاین) وېشل کېږي.

    آنلاین پروسیجر:

    په پېل کې متقاضي آنلاین فورمه ډکوي او د پاسپورټ او د آخري ویزې کاپي ورسره ضمیمه کوي. د فورمې له ډکولو وروسته متقاضي بانکي تعرفه ترلاسه کوي. د ټاکلي لګښت له تحویلولو وروسته متقاضي له اصلي پاسپورټ او ټولو اړینو اسنادو سره پاسپورټ ریاست ته مراجعه کوي. غوښتنلیک باید د ګمارونکې ادارې او یا د اطلاعاتو او کلتور وزارت د رسمي پېژندلیک سره یو ځای وي. د اسنادو له کتنې او ارزونې وروسته د پاسپورټ ریاست کارکوونکی د ویزې سټېکر لګوي او د پاسپورټ په رئیس یې لاسلیکوي.

    آفلاین پروسیجر:

    په پېل کې متقاضي د غوښتنې فورمه ډکوي او له ذکر شوو اړینو اسنادو سره یې پاسپورټ ریاست ته ور وړي، د غوښتنې د فورمې له تائید وروسته متقاضي بانکي تعرفه ترلاسه کوي او ټاکل شوې پیسې په بانک کې تحویلوي. د ویزې د تمدید ټول پوسیجر هوبهو د آنلاین پروسیجر په څېر دی.

    له ساده سازۍ مخکې پروسیجر:

    مرحلې ۱۲
    اړین اسناد پاسپورټ (اصلي او کاپي)، د کار جواز، غوښتنلیک، دوه (۲) عکسونه او ویزې کاپي
    د پیسو مقدار ۳ میاشتنی فیس ۱۵۰ ډالره – ۶ میاشتنی فیس ۳۰۰ ډالره. د ویزې فیس هیوادونو ته په کتو بدلون مومي.
    میعاد ۱ یوه کاري ورځ

    له ساده سازۍ وروسته پروسیجر:

    مرحلې ۷
    اړین اسناد پاسپورټ (اصلي او کاپي)، د کار جواز، غوښتنلیک، دوه (۲) عکسونه او ویزې کاپي
    د پیسو مقدار ۳ میاشتنی فیس ۱۵۰ ډالره – ۶ میاشتنی فیس ۳۰۰ ډالره. د ویزې فیس هیوادونو ته په کتو بدلون مومي.
    میعاد جریان لري

    له آنلاین ساده سازۍ وروسته پروسیجر:

    مرحلې ۸
    د څانګې داخلي مرحلې ۵
    اړین اسناد پاسپورټ (اصلي او کاپي)، د کار جواز، غوښتنلیک، دوه (۲) عکسونه او ویزې کاپي
    د پیسو مقدار ۳ میاشتنی فیس ۱۵۰ ډالره – ۶ میاشتنی فیس ۳۰۰ ډالره. د ویزې فیس هیوادونو ته په کتو بدلون مومي.
    میعاد جریان لري
  • آسان پاسپورټ

    پاسپورټ یو ارزښتناک دولتي سند دی، چې له مخې یې وګړي د نړۍ هر ګوټ ته سفر کولای شي او د په بهرنیو هیوادونو کې د افغان وګړو تابعیت ثابتوي.

  • د ویزې تمدید

    د آسان ویزې خدمتونه د هغو بهرنیو وګړو لپاره دي، چې په افغانستان کې د شتون د مودې غځولو اړتیا لري. د آسان ویزې خدمتونه د ۲۰۱۷ د جنورۍ په ۱۵مه پېل شول او دا مهال جریان لري.

  • آسان جواز

    آسان جواز د ملي او نړیوالو اتباعو لپاره کار کوي چې غواړي په افغانستان کې کار وکړي او د کار اجازه لیک ته اړتیا ولري. دا آنلاین خدمت به د ۲۰۱۷ کال د فبروري په ۱۵ پیل شي.