په تذکره کې د عکس لګول او نوی کول

هغه وګړي چې تذکره یې په ماشومتوب کې له عکس پرته اخیستي وي او د عکس لګولو اراده لري، په پېل کې باید د غوښتنې فورمه ډکه کړي او له اصلي تذکرې او دوه عکسونو سره یې د نفوسو د احوال ثبتولو ریاست ته وسپاري. د یاد ریاست د ریسپشن څانګه اسناد ترلاسه کوي او اسناد اړوندې شعبې ته استوي او متقاضي ته د تسلیمۍ یو رسید ورکوي. اړونده څانګه د سر شمېرنې له فورمې ډکولو وروسته یو عکس په کتاب او دویم په اصلي تذکره کې لګوي. له تائید او ټاپې وروسته متقاضي ته نوې تذکره، چې عکس یې پکې لګېدلی وي، ورکول کېږي.

پروسه