د عامه خدمتونو د يو دريد شاپ

  • نشرات او عامه اړیکې:

    له کورنیو او بهرنیو بنسټونو سره د غوره همغږۍ تر څنګ عامه اړیکې د آسان خدمت له مهمو برخو څخه شمېرل کېږي. دا چې په لومړي سر کې د آسان خدمت مکلفیت د عامه خدمتونو د وړاندې کولو په بهیر کې آسانتیاوې رامنځته کول دي؛ نو په همدې اساس د عامه خدمتونو په بیر کې د بدلونونو او پرمختګونو په اړه معلومات د دې څانګې بنسټیز مسوولیت دی.

    پرمختګ:

    فعالیتونه تشریحات وضعیت
    د آذربایجان د عامه اړیکو کتنه او ارزونه د آذربایجان د آسان خدمت د عامه پوهاوي او عامه اړیکو د تګلارې او کاري میتود کتنه او ارزونه د یادې څانګې د متخصصانو په یو رسمي سفر کې وشوه. بشپړ
    د عامه اړیکو تګلاره د عامه اړیکو لپاره تګلاره چمتو ده. د بیا کتنې په مرحله کې
    د عامه پوهاوي تګلاره د عامه پوهاوي تګلاره چمتو ده. د بیا کتنې په مرحله کې
    د آسان خدمت لوګو، ویب پاڼه، او برانډ بوک جوړول د آسان خدمت لوګو، ویب پاڼه او برانډ بوک چمتو دي او ټول کارونه بشپړ شوي دي. بشپړ
    د آسان خدمت معلوماتي مرکز جوړول د خدمتونو په اړه د معلوماتو ترلاسه کولو او د خدمتونو اړوند د شکایتونو د ثبتولو په پار یو معلوماتي مرکز شوړ شوی دی. جریان لري
    د بروشرونو چاپ او د ساین بورډونو او بلبورډونو چاپ او خپرول بروشر، بېلابېلو ادارو (پاسپورټ ریاست، د بهرنیو وګړو او کورنیو وګړو د کار جواز ریاستونو او...) کې د لارښوونې په پار ساین بورډونه چاپ او لګول شوي دي، همدا راز د کابل ښار په بېلابېلو ځایونو کې د آسان خدمت تبلیغاتي بلبورډونه هم لګول شوي دي. جریان لري
    د ټي وي اعلانونه چمتو کول او خپرول اعلانونه چمتو دي او په نږدې راتلونکې کې به خپاره شي. جریان لري

  • پالیسۍ او حقوقي چارچوکاټ

    په دې څانګه کې د پالیسۍ، سټراټیجي او د حقوقي چارچوکاټ برخې شاملې دي، چې وکولای شي د آسان خدمت اداره د عامه خدمتونو د وړاندې کولو په برخه له حقوقي خنډونو وژغوري. د عامه خدمتونو د پروسو ساده کول، د آسان خدمت ادارې حقوقي حیثیت او اداري چارې، د نوې ټکنالوجي معرفي کول او د عامه خدمتونو پروسې برښنايي کول یوې حقوقي مطالعه او څارنې ته اړتیا لري..

    • معلوماتي ټکنالوجي

      معلوماتي ټکنالوجي د آسان خدمت په طرحه کې بنسټیز رول لوبوي. د عامه خدمتونو د ساده کولو او وصل کولو لپاره اړینه ده چې د آسان خدمت له لارې د برښنايي حکومتولۍ یو چارچوکاټ رامنځته شي. د دې تر څنګ د آسان خدمت مرکزونه د عملیاتو لپاره پراخې سافټویري ټکنالوجۍ ته اړتیا لري. .

      • نشرات او عامه اړیکې

        له کورنیو او بهرنیو بنسټونو سره د غوره همغږۍ تر څنګ عامه اړیکې د آسان خدمت له مهمو برخو څخه شمېرل کېږي. دا چې په لومړي سر کې د آسان خدمت مکلفیت د عامه خدمتونو د وړاندې کولو په بهیر کې آسانتیاوې رامنځته کول دي؛ نو په همدې اساس د عامه خدمتونو په بیر کې د بدلونونو او پرمختګونو په اړه معلومات د دې څانګې بنسټیز مسوولیت دی.

        • بشري سرچینې او ټرېنینګ/ حرفوي روزنې

          د آسان خدمت ماډل بریا د مدیریتي او عملیاتي کارکوونکو په کیفیت پورې تړلې ده. د دې کاري برخې (بشري سرچینو) موخه د مستعدو کارکوونکو ګمارنه او تقویه ده. د آسان خدمت د کارکوونکو او د اړوندو ادارو د کارکوونکو روزنه د آسان خدمت له بنسټیزو موخو څخه ده. یو غوره کړندود او د څارنې او ارزونې یو کره سیسټم به رامنځته شي، چې وکولای شي د معیاري عامه خدمتونو په وړاندې کولو کې مرسته وکړي. .

          • د عامه خدمتونو د پروسو ساده کول

            د دغي برخي کار د عامه خدمتونو د پېچلو پروسو ساده کول او ټول خدمتونه تر یو چتر لاندې راټولول دي، چې د آسان خدمت د طرحې اډانه تر ډېره په همدې برخې ولاړه ده. .

            • ودانیزې زېربناوې

              د آسان خدمت د مرکزي ادارې او د لومړني خدماتي مرکز لپاره ځانګړې ودانۍ جوړېږي، چې د خدمتونو ټولې سیمه ایزې او ولایتي څانګې کنټرول او اداره کوي. د یادې ودانۍ ډيزاین د ځانګړو لارښودونو او نړیوالو معیارونو پر بنسټ چمتو شوی دی. .

              • (MSP) د موبایل له لارې د معاشونو ورکړه

                د موبایل له لاري د معاشونو ورکړه (MSP) د دولت له لوري شخص ته د پیسو د ورکړې (G2P) د برښنايي کولو او د مالي مشارکت د تقویې په برخه کې عمده رول لوبوي. د کار او ټولنیزو چارو، شهیدانو او معلولینو په وزارت کې، د موبایل له لارې د معاشونو د ورکړې له یوې امتحاني دورې وروسته جلالتمآب جمهور رئیس په پوهنې وزارت او نورو وزارتونو کې د موبایل له لارې د معاشونو د ورکړې د پراختیا مسوولیت آسان خدمت ادارې ته وسپاره. .